محبتوں میں ہوس کے اسیر ہم بھی نہیں

Urdu Poetry-Ghazal

محبتوں میں ہوس کے اسیر ہم بھی نہیں

غلط نہ جان کہ اتنے حقیر ہم بھی نہيں

نہیں ہو تم بھی قیامت کی تندوتیز ہوا

کسی کے نقش قدم کی لکیر ہم بھی نہیں

ہماری ڈوبتی نبضوں سے زندگی تو نہ مانگ

سخی ہو ہیں مگر اتنے امیر ہم بھی نہيں

کرم کی بھیک نہ دے، اپنا تخت بخت سنبھال

ضرورتوں کا خدا تو، فقیر ہم بھی نہيں

شب سیاہ کے "مہمان دار" ٹھرے ہیں

وگر نہ تیرگیوں کے سفیر ہم بھی نہیں

ہمیں بجھا دے ، ہماری آنا کو قتل نہ کر

کہ بے ضررہی سہی بے ضمیر ہم بھی نہيں

محسن نقوی