اسکا اب روپ رنگ کیا ہوگا

اسکا اب روپ رنگ کیا ہوگا

بولتا انگ انگ کیا ہوگا

دلکشی جس کی ہو اداسی میں

اسکی خوشیوں کا رنگ کیا ہوگا

جی رہا ہے ترے فراق میں جو

اسکے جینے کا ڈھنگ کیا ہوگا

قینچیاں آسماں میں چلتی ہیں

اب اڑا کر پتنگ کیا ہوگا

جامہ پوشی فریب لگتی ہے

کوئی ایسا بھی ننگ کیا ہوگا

جیتنے پر بھی ہار اپنی ہے

چھیڑ کر تم سے جنگ کیا ہوگا

سات رنگوں کی اس دھنک میں پیام

دیکھئے اپنا رنگ کیا ہوگا 

پیام