Urdu Poem - Sad Poem For Boy Friend

ہمارے درمیاں ایسا کوئی رشتہ نہیں تھا

 ترے شانوں پہ کوئی چھت نہیں تھی

مرے ذمے کوئی آنگن نہیں تھا

کوئی وعدہ تری زنجیر پا بننے نہيں پایا

کسی اقرار نے میری کلائی کو نہیں تھاما

ہوائے دشت کی مانند

تو آزاد تھا

رستے تری مرضی کے تابع تھے

مجھے بھی اپنی تنہائی پہ

دیکھا جائے تو

پورا تصرف تھا

مگر جب آج تونے

راستہ بدلا

تو کچھ ایسا لگا مجھ  کو

کہ جیسے تو نے مجھ سے بے وفائی کی ۔

پروین شاکر